(*دمعه ..وحسره ..وخاطرشين..*)....

السلام عليكم ورحمة الله وبركآته

مر111حب بالجميــع ،،،


لكل شخص تمر عليه في حياته لحظآت حزن ... وآخرى فرح ..


لكن المشاعر غالباً ماتفيض وتتهيج اثنآء لحضآت الحزن ..

وعندها كل شخص يقوم بــ بوح هذهـ المشاعر والتنفيس عنهآ ..

إما عن طريق نثر او قصيده او حتى القيام ببعض الحركات التي تخفف عنه ..

وهذهـ فطرهـ فطرنا الله عليها بالبوح بالمشاعر ...
فإليكم هذهـ الأبيآت التي تتخللهآ الكثير من الآهآت والدمعآت ...





يـا عــذابـي..




يـا صـوابـي..





يـا ربـي تـعـيـن...



وش هـو بــقـى كــان هـذي الـبـدايــه ..!



وش هــو بــقا يـا دنـيـتي لـي تـسـويـن

لا صـرت مـا اذكـر بسـمتي بـ الـثـنـايــه






حـسـرهـ ..







ودمـعــه ..








وخـاطــرٍ شـيــن ...

و صـرخــةٍ تــدوي بــأقـصـى الـحـنـايـــه


مـا يـحـتـمـل قـلبـي مـن الـهم جرحـيـن

جـــرح بــ قـلـبــي قــديــم الـحــكــايـــه


الــجــرح الأول يــجـي حــول شـهــريــن

ولــفٍ وفــارقـــتــه بــ قـــصــة وفــــايـــه


والـجــرح الآخــر تــدمـــع لـــه الـعــــيــن

شـــيٍ يـهــول مـنـظـرهـ يــا اخــويــايـــه


جــاني خــبـرهـ مـســاء يـــوم الاثـنــيـن

وقـــالــوا ولــيـْـدّ اوخـيـتــك بــ الـعـنـايــه


.

.

.


وصلـت له وحـسـرتي مفـضـوحة العـيــن

وعـهــدي مــع الـدمـعـه داخـــل مـعـايــه


يــا دمـــعـتـي ان كـان لـي حـق تـكـفـيـن

لا تــذرفــيـن الــدمــع وســـط الــعـنـايــه


يـا دمـعـتي هـ الـيـوم طالبـك لـي توفـين

لا تـفـضحيـنــي تــرى عـيـونــه مــرايـــه


لا شـافـتـك عـيـنـه وانـتـي لـه تـبـّكـيــن

صــابــه مـن الإحـبــاط مــا هــو كـفـايـــه


عــاهـدت عــيـني عــهـد وافـي ومـتـيـن

مــــا تـــذرفـيـن الــدمـــع لـ أيــّاة غــايـــه


دخـلت لــه وخـطـوتـي اثــقـل بـ حـمـلـين

خــوفــي اجـيـب الـعـيد و اسقـط ورايـــه


قـالـوا بـخـيـر و بـخـاطـري هـ الخـيـر ويـن !

أشــوف هـ الـمـنـظـر بــ أعــز اقــربــايــه


لا يـنـطـق بــ كلـمـه ولا مـنـظـرهـ زيــــن

حـتـى بـ عـيـونــه دمـعــتـيـن و شقـايــه


.

.

.


مـسكـت انــا يــده بـ يــدي عـلـى لـيــن

و قـريـت انـا فـــي خــــاطــري كــم آيــه


ثـم الـتـفـت يـمـي و نـاظـرنــي بـعـيـــن

كـنـه يقـول يـا خـال مـا هـي بـ الـنهـايــه


نــظـرة كــسـيــر مــا لـقـى لـه مــعـيـن

ولا يــتــيــم مــا لـــقـى لـــه وصــايـــــه


فــي وقــتــهــا ذقـــت مـــر الأمـــريــــن

و غــصــتــي بـ الـقـلــب تـكـوي كـوايـــه


صـديــت انــا عــنــه و ابــعـدت مــتـريــن

و بـالــقــلــب جــرحٍ تـوســـط حـشـايـــه


وهـلـيـت انـا عـبراتٍ تـقل هم لـسـنـيـن

والـــعــهـــد بـيــنـنـا راح شــرب مــايـــه


وانـهــجـت لــه دمـــعٍ حـارقٍ لــه ونــيــن

كـنــّي صــويـــب صــوبــونــــي عـدايـــه


ابـكـي مـن الـقـلـب وابــكـي مـن الـعـين

وبــالقـلـب جــمــره احـرقـت بـي لـضـايـه


و سـاقـتـني خـطــاي مـدري عـلـى ويـن

بـس الأكيـد انـي وقفـت.. عـند المـرآيـه


انــآظــر بــ عــيــنـي و انــا اقـول تـكـفـين

لا تـحـرقــين الــقـلـب يـكـفـي كـفـايــــه


الـعـهـد خـنـتــيـه.. وعـادتـــك تـُوفـــــِين !

وش هــو حـصـل ؟ وش عـذرك مـعــايــه


قـالت وهـي تِـنـهـج مسكين.. مسكـيـن

لـو يـنـتهي هـ الـدمع .. بــ أسكب دمايــه


عِـزّي لــ قـلـبـك واقــفٍ فـيــه عـرقـيـــن

عــرقٍ يــضــخ الـــــدم وعــرق تــايـــــه

.

.

.



يـا دنـيـتـي طـالـبك يـكفـي وبــــعــــدين ؟

مــا اذكــر انــي مــرتـكــب بــك جـنـايـــه


تـدريـن يـا دنـيـا خــــذي روحـــي الحــين !

وش لي بــ دنـيـا مــا تــوفّــي مــعـــايـــه


يا رب لا تـواخـذنـي بـمـا قـلـت من شوين

و أســألــك يــا ربي تـدمـــح خــطــايــــه


عبــدك ومــؤمــن بــك و راجــي بك تعيـن

وتـهـديـنـي بــ عطـفـك سبيـل الـهـدايــه



وأسـألك يــا ربي تـشـفـي المـسـاكــين

اللــي بـدونـــك مـا لهـــــم أي غـــايــــه


وصـلاة ربــي عــدد مـا دمــعــت عـــــين

وعـدد هــمــومٍ بــوسط قـلــبي خـفـايـه




وسلامتكمــ ،،،
أسال الله الشفاء العاجل لجميع مرضى المسلمين.....

امين يا رب العالمين؟؟


شكرا اخوي الشبح؟؟؟

اسعدني مرورك اخوي كلوركس

يعطيك العافيه اخوي الشبح


دوم مبدع

اسعدني مرورك اخوي
الامبراطور

كلك ذوق اخوي الراقي


يسلمووووووووو

يعطيك العافية

اسعدني مرورك اخوي الجوكر

اسعدني مروك اخوي الراقي

صح لسانك

ومن يقول